MENGANTUK MASO TERAWIKH...KINI TIDAK LAGI!!

Ambo yakin ramai hok mengatok maso terawikh...mano tok ngatoknyo..behe nasik 3/4 pingge..kuey lagi..air toksoh kiro lah...perut bbuta (mcm ike butal)...menyada dok tepi dinding...masuk waktu isyak gi surau..start semaye isyak mulo koya tok tetu kalu..baco tahyat pun 2/3 kali ule tok habih2..masuk terawikh..mula la nok sembe!!..keno tok ime tahfiz baco panje pulok gak..oghe ruku' kito gi sujud...anda pernah mengalaminyo??
Pagi tadi ambo denga Tanyalah Ustaz TV9..Ustaz Zamri(Mari Mengaji)..dio ghoyak Nabi kito (s.a.w)...lepas buka poso..dio semaye maghrib terus.. lepah semaye maghrib barulah Rasulullah mandi..sebelum semaye Isyak.. supaya tubuh badan segar untuk beribadat sepanje male...ambo cubo TRA hari nih untuk ikut Sunnah...MASYAALLAH...ALHAMDULILLAH...dari Isyak sapa lah ko Witir tok ssero pong ngatok..hebatnyo Sunnah Rasul nih...jadi mari kito pakat2 TRA deh...moga ibadat kito lebih molek menjelang 10 malae terakhir nih...INSYAALLAH!!